МИК ЏЕГЕР ИМА КОРОНА, ОТКАЖАН КОНЦЕРТОТ ВО АМСТЕРДАМ
Европската турнеја на Ролинг Стоунс може да пропадне бидејќи фронтменот Мик Џегер бил заразен со корона вирусот, а настапот во Амстердам планиран за вечерва беше откажан во последен момент.
На Ролинг Стоунс им е многу жал за одложувањето наконцертот, но безбедноста на публиката, колегите музичари и екипажот на турнејата мора да биде на прво место“, објави бендот на Твитер.
На 78-годишна возраст, легендарниот Мик Џегер спаѓа во таканаречените ранливи групи. Тој вечерта на Фејсбук се извини за краткотрајното откажување. Ви благодариме на сите за трпението и разбирањето“, напиша тој.
Според организаторот, концертот треба да се презакаже. Сепак, датумот се уште не е одреден.
Сè уште не е јасно какви ефекти ќе има болеста на Џегер на другите планирани концерти од турнејата. За петок беше закажан настап во Берн, а следната недела во Милано. На крајот на месецот, познатиот бенд треба да настапи во Лондон.
