МОТОКРОС КЛУБ ГЕВГЕЛИЈА СО ДВЕ ПРВИ-ОГНЕН ТОДОРОВ, ЕДНО ВТОРО-МИЛАН СТОЈАНОВ И ДВЕ ТРЕТИ МЕСТА-ВАСКО КИРОВ И ИВАН ЦЕКОВСКИ НА МАКЕДОНСКИОТ МОТОКРОС ШАМПИОНАТ И БМУ ЕВРОПСКИОТ ВО ПРИЛЕП.

Изминатиов викенд на Патеката Лагово – Прилеп се одржа првата трка од Македонскиот Мотокрос шампионат и БМУ Европски шампионат во организација на клубовите “МК Мотори” од Скопје, “МК Вардар” од Скопје и МФМА. На трката се натпреваруваа 56 возачи во 7 различни класи (МХ, МХS, MX1, MX2, MX85, MX65 и MX50). МОТОКРОС КЛУБ ГЕВГЕЛИЈА учествуваше со 5 возачи во 4 различни класи. Највисоката награда во нашиот клуб ја освои Огнен Тодоров во класата МХ85 кој убедливо победи и во двете трки, и освои прво место на Македонскиот и прво место на БМУ шампионатот. Во класата МХ, Милан Стојанов се избори за второто место на Македонскиот шампионат. Васко Киров којшто се натпреваруваше во класта МХ1 и Иван Цековски во класта МХ2, си отидоа дома со освоено 3 место на Македонскиот шампионат. Ова е само почеток на претстојната сезона и почеток на нашите успеси. Дел од натпреварувачите од нашиот клуб ќе учествуваат и на напреварот на патеката ГЛОБАРЕ во соседна Република Србија на 15.05.2022