НА 4-ТО ИЗДАНИЕ НА „ТРКА НА ПОЕЗИЈАТА“ ВО СТРУГА ГОЛЕМ УСПЕХ НА МЛАДИТЕ АТЛЕТИЧАРИ НА „7-МИ НОЕМВРИ“
Под мотото „Трчаме рецитираме“, во организација на атлетскиот клуб „Спортски мостови“ на 26 мај годинава во Струга се одржа четвртото издание на атлетската манифестација „Трка на поезијата“.
По четврти пат се рецитираше во Струга, додека АК Спортски мостови повторно беа домаќини на уличното трчање на 5 км и 10 км, како и Детска трка која се одржа во пет годишни категории од 5 до 13 години. Над 500 тркачи, оваа година зедоа учество на овие интересни трки.
На детската трка, Ана Бегова го освои првото место во категорија за девојќиња, додека Матеа Танова го освои четвртото место, кај момчињата пак, Антонио Каракабаков прв помина низ целта. На оваа трка настапи и Живко Костадинов.
На 5 километри настапи членот на АК „7-ми Ноември“, Никола ковачев, додека на трката на 10 километри се натпреваруваа Драган Ристов, Борче Узунов, Никола Костадинов, Никола Мичев, Орце Цветков, Димитар Андреев и Живко Петков.
