НА ЗЕМЈОДЕЛСКИОТ САЕМ ВО НОВИ САД ИМА ДВЕ АТРАКЦИИ
Во Нови Сад денес е отворен 85-от Меѓународен земјоделски саем, на кој има излагачи и од Македонија.
Сепак, се чини дека има само две вистински атракции на овој саем.
Едниот е бикот Малиша, четиригодишен „Симентал“ тежок 1,7 тони, кој воедно е миленик на најмладите посетители на саемот и централна фигура на сточарската изложба. Сопственост е на „Салаш Црнобарски“ во општина Богатиќ, а за прв пат се претставува на Меѓународниот земјоделски саем.
Втората атракција е најскапиот експонат на Саемот – комбајнот за вадење шеќерна репка, вреден 600.000 евра, цена на која може да му позавидат и производителите на скапи автомобили.
