НОЌТА ПОМЕЃУ САБОТА И НЕДЕЛА ЗАПОЧНУВА ЗИМСКОТО СМЕТАЊЕ НА ВРЕМЕТО
Нема да има промени во сметањето на времето, односно ноќта меѓу 28-ти и 29-ти октомври граѓаните во земјава повторно ќе треба да ги поместат стрелките на часовниците за еден час наназад.
Иако Европската унија пред неколку години најави дека ќе го укине летното и зимското сметање на времето и ќе донесе унифицирано, тоа се уште не се случи.
Во Европа, вклучително и во Македонија, летното сметање на времето оваа година завршува на 29 октомври, што значи дека ноќта помеѓу 28 и 29 октомври во 3 часот по полноќ ќе ги поместиме стрелките на часовникот еден час наназад, односно во 2 часот утрото.
Се уште не се знае кога ЕУ конечно ќе го укине поместувањето на часовникот, но во Хрватска, на пример, која е членка на Унијата, до крајот на 2026 година е на сила регулативата за летно и зимско сметање на времето.
