ОДРЖАНА МАНИФЕСТАЦИЈАТА „ОД НАЈДОБРИТЕ ЗА НАЈДОБРИТЕ“ НА СОУ „ЈОСИФ ЈОСИФОВСКИ“
Традиционално , на крајот на секоја учебна година, учениците и наставниците на СОУ „Јосиф Јосифовски“ ја организираа завршната манифестација „Од најдобрите за најдобрите“ во Градскиот театар. На оваа манифестација им се доделија благодарници на најдобрите ученици и ниивните ментори за нивното учество на натпревари, манифестации и вонучилишни активности.
Поздравувајќи ги сите присутни во салата, наставниците, учениците и родителите, директорката на СОУ „Јосиф Јосифовски“, Марија Танева им честита на најдобрите ученици и истакна:
„Ние, наставниците, веруваме во нивните можности и потенцијалот којшто го поседуваат и затоа секогаш ги учиме и мотивираме и охрабруваме да учествуваат на такви манифестации.
Како што рекол Аристотел „Корените на образованието можеби се горчливи, но плодовите се слатки.
Затоа, денес се гордееме со одличните резултати, освоените места и награди на нашите ученици.“
Во музичко сценскиот дел од програмата, под менторство на Илија Атанасов, учениците Благоја Панов и Дијана Јакимова настапија со изведбата на „A whole new word“. Членови на драмската и литературно-рецитаторската секција, изведоа Пародија на оперетката „Срешта“ од Војдан Чернодрински, во која учествуваа членовите на Драмската група „Дон Кихот“, во режија на Даниела Џишева и кратки сцени од „Скржавец“ на Молиер, во режија на Жаклина Атанасова. Благоја Панов, под менторство на Андријана Џинова, рецитираше стихови од поемата на Вилијам Шекспир- Shall I compare thee to a summer’s day.
Преку сликите на Димитар Новаков, почувствувајте ја атмосферата која владееше на оваа манифестација.
