ОПШТИНА ГЕВГЕЛИЈА МЕЃУ ПРВИТЕ ПЕТ СПОРЕД „ИНДЕКСОТ ЗА СОЦИЈАЛНА ИНКЛУЗИЈА НА МЛАДИТЕ НА ЛОКАЛНО НИВО 2023 – 2024“
За прв пат во нашата земја Националниот младински совет на Македонија (НМСМ) изготви анализа „Индекс за социjална инклузиjа на младите на локалнониво 2023 – 2024“ која ги рангира општините според нивните перформанси во поддршка на вклученоста и еднаквоста на младите.
Индекс анализата, ги рангира општините според нивните перформанси во поддршка на вклученоста и еднаквоста на младите. Овој ранг служи како алатка за идентификување на области што бараат подобрување и за истакнување на успешни практики што може да се реплицираат во други општини. Просечната оценка на социјалната вклученост на младите на локално ниво изнесува 41% ,а како највисоко рангирана општина е Општината Охрид .
За оваа анализа беа развиени сет на индикатори, распоредени во 4 групи на интерес, како и начин на следење и прибирање на информации за истите.
Во истражувањето беа опфатени сите 80 општини во Македонија, како пријателски општини се квалификуваат Општина Охрид, Гостивар, Крива Паланка, Струмица и Гевгелија.
Од истражените 4 области, општините најдобро се покажаа во пристапот до услуги, каде 40% од општините се рангирани како добри и одлични. Во однос на пристапот до информации, 31% од општините се одлични, Што се однесува до вклучувањето на младите во јавни политики, само 4% од општините. Во однос на формирање младински совети, само 16% од општините имаат функционални совети, вклучувајќи ги Теарце, Зелениково, Гостивар, Лозово и Гевгелија.
