ПЕТ ПОЖАРИ СЕ ВО МОМЕНТОВ АКТИВНИ, МЕЃУ КОИ И ОНОЈ НА ПОГАНА
Вкупно 42 пожари имало вчера на отворен простор, од кои во моментов пет се активни. Четири се под контрола и 33 се изгаснати, соопштија од Центарот за управување со кризи (ЦУК).
Активни се пожарите во Општина Македонски Брод, кај селото Тажево – Брезница – кракот кон Јасен, во Општина Демир Хисар и Општина Охрид кај Илинска планина, селото Базерник, Општина Охрид кај Косел – Расино – Опеница, Вапила, активен е на четири точки, во Општина Богданци – м.в.Погана кон Ветерен Парк Богданци и во Општина Пробиштип кај селото Зелениград и Јамиште.
Директорот на ЦУК, Стојанче Ангелов вчера кажа дека на територијата на државата помагаат еден хеликоптер од Србија, еден од Чешка, еден од Словенија, два од Унгарија, два „ер-трактора“ од Шведска и два од Германија. На помош е пристигнат и тим од Унгарија со 46 лица, со специјални теренски возила за движење по тешко пристапни предели.
