ПОЧИНА МАКЕДОНСКИОТ ФУДБАЛЕР ЃОРГЕ ЏОНОВ
На својата фејсбук страна денеска управата и играчите на ФК “Кожуф” се простија од својот прерано починат фудбалер Ѓорге Џонов.
ИН МЕМОРИАМ:
Денес , со огромна болка и тага ја примивме веста за нашиот прерано починат фудбалер и пријател Ѓорге Џонов.По долга и тешка битка со ужасната болест,денеска за жал го изгубивме. Тешко е во овие моменти да се најдат зборови за да се срочи огромната болка!
Македонскиот фудбал загуби извонреден фудбалер и великан,но денеска чувствуваме тага затоа што замина голем човек. Јавноста и фудбалерите вечно ќе го паметат како човек кој зрачеше со добрина,позитивна енергија и прекрасен карактер. Гевгелија и Фк Кожуф се должни да му го вратат доприносот на едноставен начин-спомените за легендарниот Ѓорге Џонов да ги одржиме во живот и за идните генерации.
Вечна слава!
НИКОГАШ ЗАБОРАВЕН!
