ПРАЗНИЧНА ЛИТИЈА СО МОШТИТЕ НА 40 СВЕТИТЕЛИ НИЗ ГЕВГЕЛИЈА ВО ЧЕСТ НА СВЕТИТЕ КИРИЛ И МЕТОДИЈ
На денешниот голем ден, 24 мај, празникот на светите браќа Кирил и Методиј, светители што ги слави целиот културен свет во денешна Европа, но и пошироко, продолжи чествувањето на нивното дело во Гевгелија. По Светата Златоустова Литургија, голем број на граѓани, заедно со уметниците од Ансамблот „Македонија“ и свештеници од Гевгелиската епархија учествуваа, за прв пат во Гевгелија, во Литијата со кивот на моштите од четириесет светители, преподобни и маченици низ градскиот плоштад.
Потоа сите заедно го проследија настапот на Ансамблот „Македонија“ во дворот на црквата.
