ПРЕД 114 ГОДИНИ Е РОДЕН КРУПЕ КЕПЕСКИ АВТОР НА ПРВАТА МАКЕДОНСКА ГРАМАТИКА
На денешен ден, 8 април, во 1909 година, во Прилеп е роден македонскиот лингвист, преведувач, собирач на македонски народни умотворби, граматичар, автор на првата „Македонска граматика“, објавена во 1946 година, КРУМЕ КЕПЕСКИ.
Во издание на „Maкедоника литерa” е издадена книгата „СТАТИИ И АНАЛИЗИ ЗА МАКЕДОНСКИОТ ЈАЗИК”, која содржи статии, говори, предавања и разработени јазични прашања, што се однесуваат на општите согледувања на развојот на македонскиот јазик и за одделни јазични прашања; на методиката на наставата за македонскиот јазик; и на лексиката на македонскиот јазик.
Овие трудови на Кепески во најголем дел овде првпат се објавени и се исклучително значајни од лингвистички и културолошки аспект поради фактот што тој е авторот на првата Македонска граматика, основоположник на граматичарската дејност во Република Македонија и најплодниот автор со дури педесетината изданија на граматики на македонскиот јазик наменети за образованието. Трудовите на Круме Кепески го одбележуваат и развојниот пат на македонскиот литературен јазик.
