СО ИЗЛОЖБА НА ГЕВГЕЛИСКИТЕ УМЕТНИЦИ И КОНЦЕРТОТ НА МАЈА ЧАНАЧЕВИЌ И АНА ГАЦЕВА ЗАВРШИ ПРАЗНУВАЊЕТО НА СПАСОВДЕН 2022
На третиот ден од чествувањето на Спасовден,во фоајето на Народниот театар- Гевгелија, беше отворена Изложба на ликовни уметници од Гевгелија- ДЛУГ. Изложбата ја отворија Мирјана Крстева Массети и Александар Јанев, а на неа со свои дела учествуваа: Борис Петров, Јордан Јанев Дане, Атанас Крстов, Никола Бутров, Данчо Кал’чев, Драги Хаџи- Николов, Фиљо Танов, Михаил Петров, Миле Ничевски, Гордана Петрова, Вангел Срнаков, Мирјана Крстева Массетти, Катерина Чугунска, Дамјан Ѓуров, Пето Кованцалиев, Иван Кал’чев, Адријана Манчева, Анамарија Кал’чева Митриќеска, Сотир Хаџи- Николов, Александар Јанев, Ѓорге Петровски и Елена Ѓуров.
По Изложбата на ДЛУГ, во Малата сала на Народниот театар, публиката која е љубител на класичната музика имаше можност да го проследи Концерт на дуото- д-р Ана Гацева (пијано) и м-р Маја Чанаќевиќ, англиски рог. Беа изведени дела од: Марчело, Барат, Шуберт, Зографски и Ликл.
Една од композициите, Маја Чаначевиќ ја изведе мошне емотивно и ја посвети на нејзиниот прерано починат вујко, роден гевгеличанец, истакнатиот македонски композитор педагог, музички писател, истражувач и општествен деец, проф. д-р Томе Манчев.
Со овие два настана, завршија активностите од културно-уметничка програма по повод Спасовден, во организација на ЈОУ Дом на културата „Македонија“- Гевгелија.
