СВЕТСКИ ДЕН НА ВЕЛОСИПЕДИЗМОТ
Со цел да се поттикне употребата на еколошки и здрави превозни средства, Генералното собрание на Обединетите нации (ОН) во 2018 година, 3 јуни го прогласи за Светски ден на велосипедизмот.
Покрај низата здравствени бенефити, редовното користење на велосипедот како транспортно средство има и силни позитивни импликации на животната средина, но и позитивна социјална димензија – помалку издувни гасови, поефитин, а неретко и побрз транспорт!
Светската здравствена организација препорачува минимум 150 минути умерена физичка активност во текот на неделата. Возејќи велосипед, лесно можеме да ја постигнеме и надминеме ваквата граница.
Холандија со население од 17 милиони е позната како „земја на велосипедите“ , Гевгелија, „рамна ко тепсија“ е позната како град со најголем број на велосипеди по глава на жител во Македонија.
Затоа д Здружението на граѓани „Гевгелија Точак Клуб“ на денешниот ден порачуваат
Почитувани сограѓани и сограѓанки !!!
На 3-ти јуни би сакале да Ве замолиме вашите автомобили по можност да мируваат а барем мал дел од денот да го поминете на велосипед. Во Гевгелија скоро секое домаќинство има барем еден велосипед па да се потрудиме барем на 3-ти јуни градот да ни заличи како повеќето градови во Данска или Холандија.
Би сакале да ни се придружите во иницијативата: На 3-ти јуни, во периодот од 7 наутро до 7 навечер во Гевгелија педалите на точковите да бидат активни а педалите на автомобилите да одмараат.
На 3-ти јуни, во периодот од 7 наутро до 7 навечер во централното градско подрачје да не паркираме автомобили без потреба.
На 3-ти јуни, во периодот од 7 наутро до крајот на работното време автомобилите да ни останат паркирани дома.
Во светот има многу добри места за возење за велосипед а општина Гевгелија е идеална со одличен рамнински дел но и прекрасни ридско, планински предели за адреналинските зависници. Приклучете ни се на 3-ти јуни светскиот ден на велосипедизмот.
