ВО ГЕВГЕЛИЈА ГОСТУВА ТЕАТАРОТ ОД КАВАДАРЦИ СО КОМЕДИЈАТА „КАКО ДА (НЕ) СНИМИШ МРСЕН ФИЛМ“

Во организација на Домот на културата „Македонија“- Гевгелија, утре (29 јуни, 2022 година), во Народниот театар, ќе гостува Театарот при ЈОУ Дом на култура „Иван Мазов- Климе“- Кавадарци со театарската претстава „Како да (не) снимиш мрсен филм“. Билетите со цена од 150 денари се пуштени во претпродажба и истите можат да се купат во Народниот театар- Гевгелија. Претставата ќе започне во 20:00 часот.

 

Режијата на комедијата „Како да (не) снимиш мрсен филм“ е на Диме Коцевски, а сценографијата на Диме Темков. Улогите ги толкуваат: Видан Станоев, Александар Видиков, Саше Орешков, Надица Ангелкова, Кристина Јованова, Деан Атанасов, Сијче Трајкова, Никола Деков и Диме Коцевски. Комедијата „Како да (не) снимиш мрсен филм“ е работена по текст на Милан Гргиќ меѓутоа таа е целосно адаптирана со плус неколку додадени ликови и сцени од моја страна. Претставата е комедија на ситуации, со одлично разработени ликови и ситуации, со секојдневен и лесно препознатлив хумор кој многу успешно го донесуваат на сценат актерите.