ВО ГЕВГЕЛИЈА ВО 2021 ГОДИНА РОДЕНИ 17 ДЕЦА ПОМАЛКУ ОТКОЛКУ ВО 2020
Според податоците на Државниот завод за статистика, во Република Македонија во 2021 година се родени вкупно 18 790 деца, од кои живородени се 18 648, а мртвородени 142. Бројот на живородените деца во 2021, во споредба со 2020, е намален за 2.0 %.
Што се однесува до Општина Гевгелија, во 2021 година родени се вкупно 153 деца, од кои 70 машки а 83 женски. Во споредба со 2020 година, кога се родени 170, тоа е намалување за 17 деца. Таа година родени се 92 машки а 78 женски деца.
