ВО НЕГОТИНО ПАДНА ОД НЕБО ВОЈНИЧКИ РАНЕЦ
По веста дека ранец падна во двор од куќа во Неготино, при што за среќа, нема повредени, од МВР потврдија дека ранецот бил сопственост на војник од сојузничка армија во состав на Мултинационална вежба „Вежбовни десантни падобрански скокови од авион“ над подрачјето на Неготино. Штетата предизвикана на кровот на куќата ќе биде надоместена.
– На 02.05.2022 во ОВР Неготино, Б.С.(35) од Неготино било пријавено дека дел од падобранска опрема паднала на кровот од неговата куќа и оштетила неколку ќерамиди.
Извршен бил увид од екипа од ОВР Неготино и бил пронајден еден војнички ранец сопственост на војник од сојузничка армија во состав на Мултинационална вежба „Вежбовни десантни падобрански скокови од авион“ над подрачјето на Неготино. Предметот бил вратен на лицето, а штетата на кровот ке биде надоместена, изјавија од МВР.
