ЗАПОЧНА ШПИЦОТ НА ТУРИСТИЧКАТА СЕЗОНА. ГУЖВИ И НЕРВОЗНИ ПАТНИЦИ НА ГРАНИЧНИТЕ ПРЕМИНИ
Гужви на двата гранични премини во земјава. На Табановце за влез во Македонија се чека и по еден час, а на Богородица, за излез од земјава се чека и до 30 минути.
„Интензитетот на сообраќај на патните правци надвор од градските средини е зголемен.На ГП Богородица за излез се чека околу 30 минути, а на ГП Табановце за влез се чека околу 40 – 60 минути. На останатите гранични премини, од македонска страна, нема подолги задржувања за влез и излез од државата“, информираат од АМСМ.
Граѓаните се нервозни бидејќи се наоѓаме среде кулминацијата на летната сезона, што дополнително е причина за влез и излез од земјава, со оглед дека од тука минуваат голем број туристи не само од Македонија, туку и од Србија кои се упатуваат на плажите во Грција.
