ЗАВРШИ ЧИСТЕЊЕТО НА ДИВИТЕ ДЕПОНИИ ВО МИРАВЦИ И СМОКВИЦА – АКЦИЈАТА НА КОМУНАЛЕЦ

Во рамките на акцијата на Општина Гевгелија, во соработка со ЈПКД „Комуналец“- Гевгелија за расчистување на дивите депонии на подрачјето на општина Гевгелија, заврши расчистувањето на дивите депонии, во близина на населените места Миравци и Смоквица. На исчистените локации, по чистењето и собирањето на сметот, ЈПКД „Комуналец“ постави ознаки за забрането фрлање на отпад.

 Градоначалникот на oпштина Гевгелија, Андон Сарамандов, при обиколката на локациите кај Миравци и Смоквица со в.д. директорот на ЈПКД „Комуналец“, Раско Чочков, изјави дека заштитата на животната средина е една од приоритетните задачи: – За таа цел, ќе бидат реализирани повеќе акции и проекти, најпрво, добро е да ги исчистиме расфрлените отпадоци кои ги има насекаде, поточно, крај секое населено место. 

За наредниот период е најавено чистење  во населеното место Серменин.  Од нивна страна беше упатен апел до граѓаните кои живеат во близина на овие населени места, сметот да не го фрлаат на недозволени локации.