ЗКУД “БРАЌА ТОЛЕВИ” ДОСТОЈНО ГО ПРЕЗЕНТИРАШЕ МАКЕДОНСКИОТ ФОЛКЛОР НА ТРИ РАЗЛИЧНИ ФЕСТИВАЛИ
ЗКУД „Браќа Толеви“ од Прдејци, во периодот од 30 јуни до 5 јули 2022 година учествуваше на три фестивалски манифестации.
На 02 јули 2022 година тие настапија на манифестацијата ЕТНО КОЗАРА во Пискавица, Во првата недела од јули, во местото Пискавица и градот Бања Лука, се одржува традиционалната манифестација „Козарско етно“Козарското етно ги прикажува козарците како живееле во местата под планината Козара преку презентација на традиционални обичаи, култура и локална кујна.
Настанот е обоен со автентичен етнички призвук преку Фестивалот на изворна песна и музика, на кој учествуваат групи од областа Козара како и гости од странство. На 3 јули следеше настапот на „Браќа Толеви“ во Бања Лука, додека на 4 јули друштвото настапи на XVIII Интернационален фестивал во Градишка, на кој настапија фолклорни ансамбли од Холандија, , Полска, Словенија, Македонија и Босна и Херцеговина.
„На сите три фестивалски манифестации, нашите играорци, распоредени во две групи, се претставија во совршено издание и доследно го претставија богатиот македонски фолклор на што сме посебно горди,“ ни изјави претседателот на друштвото, Венци Попов.
