„ФЛОРИТ“ ОД ГЕВГЕЛИЈА ГО СТАРТУВАШЕ ПРОЕКТОТ ЗА РАЗВОЈ И ВРАБОТУВАЊЕ ВО ЗЕМЈОДЕЛСКИОТ СЕКТОР

Фондацијата за локален развој и развој на информатички технологии – Гевгелија, денеска, го реализираше почетниот состанок (kick-off meting) во рамки на проектот: „Иновации, развој и вработување во земјоделскиот сектор“ со акроним „IDEAS“. Со тоа,се означи и официјалниот почеток на проектот. На работниот состанокот присуствуваа претставници од партнерските организации од Американското земјоделско училиште од Солун, Грција, како и од Мрежата за рурален развој од Скопје. На состанокот, исто така присуствуваа и претставници од Заедничкиот технички секретаријат од Солун, кои ќе ги мониторираат проектните активности. Проектот „IDEAS“ е аплициран во Вториот повик на ИНТЕРЕГ ИПА Програмата за прекугранична соработка „Грција – Република Македонија, за програмскиот период 2014 – 2020” и е финансиран од Европската Унија и Националните фондови на земјите учеснички.