НА ГОДИШНОТО СОБРАНИЕ НА СОЈУЗОТ НА БОРЦИТЕ ОД ГЕВГЕЛИЈА ИЗБРАНО НОВОТО РАКОВОДСТВО
Сојузот на борците и нивните поддржувачи од Гевгелија, на годишното собрание кое се одржа во просториите на Здружението откако избра работно претседателство, дискутираше за својата работа во изминатата 2021 година, како и за Програмата за работа за оваа, 2022 година.
На ова собрание присутните членови го избраа и новото раководство за наредните четири години. За претседател, повторно беше избран Ристо Марковски, потпретседател наредниот период ќе биде Јане Ташковски, додека Ангел Алчинов ќе ја извршува функцијата секретар и делегат во Републичкото собрание на Сојузот на борците на Македонија.
По изборот, претседателот Марковски изјави дека и понатаму Сојузот на борците од Гевгелија ќе ја продолжи својата работа на полето на почитување на сите светли датуми од НОВ, како и грижата за споменичните обележја на територијата на Општина Гевгелија, а во исто време ќе работи на привлекување на млади поддржувачи на Сојузот на борците.
