ПРЕТСТАВЕНО ТУРИСТИЧКОТО ЛОГО НА ОПШТИНА ГЕВГЕЛИЈА, „ГЕВГЕЛИЈА, ЗАЧИНЕТЕ ГО ПАТУВАЊЕТО“

Општина Гевгелија со сите чинители во туризмот од општината работеше на туристичкиот идентитет на Гевгелија, од која соработка произлезе и туристичкото лого со неговиот слоган. Така, деновиве беше претставено и туристичкото лого, со новиот слоган Gevgelija Spice up the journey, или на македонски Гевгелија Зачинете го патувањето, на кое се претставени сонцето, срцето и кривата линија, што ќе рече трите работи по кои Гевгелија е препознатлива, а тоа се летните горештини, гостопримливиот и мирољубив народ, како и убавините на планината Кожуф.

 

По тој повод се отпечатени и маици направени во соработка со угостителските објекти, при што вработените во овие објекти ќе ги носат маиците во боите на новиот туристички идентитет, и со тоа ќе ја претставуваат Гевгелија пред домашните и странски туристи кои транзитираат низ градот, и кои се честа дестинација за кратка пауза, освежување или здивнување.