CE САДЕА ДРВЦА И РАСТЕНИЈА ВО ИНКЛУЗИВНИОТ ПАРК „ИЦЕ БЕГОВ“

Фондацијата „Ице Бегов“ моментално работи на изградба и опремување на првиот инклузивен јавен парк „ИЦЕ БЕГОВ“ во Гевгелија.

 

Елена Бегова и претставници од Фондацијата , заедно со амбасадорот на Република Словенија во Македонија, Грегор Прескер, сопругата на амбасадорот на Полска, Јоланда Гжелчик и конзулот во Полската амбасада, Катарина Самочук, сопругата на амбасадорот на Словачка, Жанет Маркуш, лица од Дневниот центар за посебни потреби од Гевгелија, здружението на хендикепирани лица „Мобилност“, родители и деца со попреченост , претставници на ЛАГ „Бојмија“, како и градоначалникот на Општина Гевгелија, Андон Сарамандов, денес симболично засадија дрвца и растенија во првиот инклузивен парк „Ице Бегов“ во Гевгелија, кој свечено ќе биде предаден во употреба наредната сабота, на 13 април.

 

Целта на овој проект е да го ревитализира урбаниот простор во самиот двор на Пионерскиот дом во Гевгелија, но и да поттикне инклузивност и пристапност на сите членови на Општина Гевгелија.