СО ТРИБИНА ЗА БУЛИНГОТ, ВО СОУ “ЈОСИФ ЈОСИФОВСКИ” ГЕВГЕЛИЈА ОДБЕЛЕЖАНА ПХВ НЕДЕЛАТА ЗА 2023 ГОДИНА
Општинската организација на Црвен крст Гевгелија со трибина наменета за откривање, решавање и спречување на булингот како зачестена појава меѓу младите ја одбележа неделата на Превенција на хумани вредности за 2023 година.
На трибината одржана во СОУ “Јосиф Јосифовски” свое излагање пред присутните ученици имаа:
Светлана Митровска – психолог при СОУ “Јосиф Јосифовски” – Гевгелија
Маја Проданова – училишен педагог при СОУ “Јосиф Јосифовски”- Гевгелија
Тони Аврамов – професор по македонски јазик и литература
Лазар Мешков – секретар на Црвен крст Гевгелија
Сашка Карајанова – стручен соработник при Меѓуопштински Центар за социјална работа Гевгелија
Ристо Петров – МВР Гевгелија
“Денес сме тука да кажеме јасно и решително НЕ на булингот и кога ќе излеземе од оваа врата сите да дадеме поддршка на анти-булинг кампањата” – истакна секретарот на ООЦК Гевгелија, Лазар Мешков.
На крајот од трибината од страна на лидерот на Клубот на млади – Весна Димиќ беа доделени признанијата на учесниците во ЦКА ПХВ циклусот за 2023 во рамки на ООЦК ГЕВГЕЛИЈА.
