СОСТОЈБАТА СО ЈАВЕН ПРЕВОЗ НА ПАТНИЦИ ВО ОПШТИНА ГЕВГЕЛИЈА ЌЕ СЕ НАЈДЕ НА 44 СЕДНИЦА НА ГЕВГЕЛИСКИОТ СОВЕТ
Советот на Општина Гевгелија, на 5 јули 2024 година, ќе ја одржи својата 44. седница, на којашто ќе расправа по повеќе предлог-одлуки и решенија. На претстојната седница, Советот ќе разреши стар и именува нов член во постојаните Комисии за статут и прописи и урбанизам, комунални дејности и заштита на животната средина.
Исто така, ќе расправа и по Предлог-Одлуката за измена и дополнување на Програмата за финансирање програми и проекти од областа на културата од интерес на општина Гевгелија за 2024 година и за обезбедување финансиска поддршка за учество на ученик од СОУ „Јосиф Јосифовски“- Гевгелија на 7. Меѓународна економска олимпијада во Хонг-Конг (Кина). Како и по предлог- измените и дополнувања на Одлуката за определување тарифа/ цена за општински линиски превоз на патници во општина Гевгелија.
Исто така, ќе расправа и по Предлог-Одлуката за измена и дополнување на Програмата за финансирање програми и проекти од областа на културата од интерес на општина Гевгелија за 2024 година и за обезбедување финансиска поддршка за учество на ученик од СОУ „Јосиф Јосифовски“- Гевгелија на 7. Меѓународна економска олимпијада во Хонг-Конг (Кина). Како и по предлог- измените и дополнувања на Одлуката за определување тарифа/ цена за општински линиски превоз на патници во општина Гевгелија.
Пред Советот на Општина Гевгелија ќе биде изнесена информација за состојбата со јавен превоз на патници во општина Гевгелија, а ќе бидат разгледани и Измените и дополнувањата на Годишните планови за вработување на ООУ „Крсте Мисирков“- Гевгелија за 2024 година и ЈОУ Библиотека „Гоце Делчев“- Гевгелија за 2025 година. Седницата ќе се одржи во Малата сала на Народниот театар- Гевгелија, со почеток во 12:00 часот.
