ТРИ АВТОМАТИЗИРАНИ ПОМАГАЛА ЗА ЗДРУЖЕНЕТО НА ЛИЦА СО ТЕЛЕСЕН ИНВАЛИДИТЕТ “МОБИЛНОСТ” ГЕВГЕЛИЈА
Во просториите на ЈУ Меѓуопштински центар за социјална работа – Гевгелија, беше извршено примопредавање на 3 набавени автоматизирани колички за лицата со инвалидитет, членови на Здружението за инвалидни лица „Мобилност“- Гевгелија.
Согласно барањата и потребите на лицата со инвалидитет, општина Гевгелија обезбеди:
Електромоторна инвалидска количка- скутер;
Електромоторна количка со контролна табла (џоистик) и
Електромоторен додаток за инвалидска количка.
Набавката на трите автоматизирани колички за лицата со инвалидитет беше предвидена како активност во Програмата на Општина Гевгелија за социјална заштита за 2023 година.
