УТРЕ, НЕДЕЛА, 8-МИ МАЈ, ЕКОЛОШКА АКЦИЈА ВО ГЕВГЕЛИЈА
На 8 мај, 2022 година, (недела), Општина Гевгелија по вторпат ќе биде дел од еко-акцијата „Генерелка викенд- За чисто како дома исто“ на Мен енд Маунтен. На акцијата ќе земат учество вработени од Општина Гевгелија, ЈПКД „Комуналец“- Гевгелија претставници од невладините организации, спортски клубови како и граѓани на Општина Гевгелија
Еко-акцијата ќе се одржи на повеќе локации и тоа кај поранешната Касарна, Археолошкиот локалитет „Вардарски Рид“ и на влезот во Гевгелија, долж појасот покрај автопатот, со почеток во 09:00 часот.
„Генералка викенд“ е еко-акција за чистење на сопствената околина и засадување нови садници дрва, по принципот едно дрво за секои 10 килограми собран отпад и истата се реализира во повеќе општини. Целта е да се собере што е можно повеќе отпад, да се засадат нови дрва и да се подигне свеста за животната средина.
