ВО МЕСЕЦ МАРТ НАЈВИСОКАТА ТЕМПЕРАТУРА ИЗМЕРЕНА ВО ГЕВГЕЛИЈА, 25,4 СТЕПЕНИ
Месец март 2023 година, се карактеризира како просечен кон потопол и кон многу влажен локално, во споредба со многугодишните просечни вредности, покажаа мерењата и набљудувањата на метеоролошките станици во државата.
– Средномесечната температура се движеше од 3,5 степени целзиусови во Маврово до 10,5 во Гевгелија. Споредено со просечните мартовски средномесечни температури, за триестгодишен период (1991-2020), овогодишната беше 0,8 степени целзиусови над просечната на ниво на држава, информираат од Управата за хидрометеоролошки работи.
Средната максимална температура варирала од 8,6 степени целзиусови во Маврово до 16,6 во Гевгелија.
Највисоката максимална температура била измерена на 25 март во Гевгелија и изнесувала 25,4 степени целзиусови.
