ЖИТЕЛИТЕ НА УМА УШТЕ ЕДНАШ ЈА ПОКАЖАА СВОЈАТА ВИСОКА ЕКОЛОШКА СВЕСТ
Дека населеното место Ума важи за едно од најчистите населени места во Општина Гевгелија, покажа и денешната еколошка акција во ова живописно место во пазувите на Кожуф планина.
Имено, во пресрет на големиот христијански празник Велигден и планинарскиот марш што ќе се случи на 16-ти април 2023 година, Здружението на Власи „Мегленија“, заедно со Црковниот одбор на црквата „Света Богородица“, како и двете планинарски друштва ЗПСК „Кожуф“ и ПД „Двете уши, организираа акција на чистење на просторот околу самата црква како и низ целото населено место.
Оваа акција беше поддржана од Општина Гевгелија, како и од ЈПКД „Комуналец“, кои со свое возило го однесоа собраниот отпад.
Нека биде ова поттик и за жителите на другите населени места во Општина Гевгелија, да го следат овој убав пример на житрелите на УМА и да спроведат слични акции.
